Hai Justuju ke ḳhoob se hai ḳhub-tar kahan

Ab Thaharti hai dekhiye ja kar nazar kahan

Hain daur e jam e avval e shab mein ḳhudi se duur

Hoti hai aaj dekhiye hum ko sahar kahan

Ya Rab is iḳhtilat ka anjam ho ba-ḳhair

Tha us ko hum se rabt magar is qadar kahan

Ek umer chaiye ke gavara ho nish-e-ishq

Rakhi hai aaj lazzat-e-zaḳham-e-jigar kahan

Bus ho chuka bayan kasal-o-ranj-e-rah ka

Khat ka mire jawab hai ai nama-bar kahan

Kaun o makan se hai dil-e-vahshi kinara-gir

Is ḳhanuman-ḳharab ne Dhunda hai ghar kahan

 تازہ محبتوں کا نشہ جسم و جاں میں ہے 

پھر موسم بہار مرے گلستاں میں ہے 

اک خواب ہے کہ بار دگر دیکھتے ہیں ہم 

اک آشنا سی روشنی سارے مکاں میں ہے 

تابش میں اپنی مہر و مہ و نجم سے سوا 

جگنو سی یہ زمیں جو کف آسماں میں ہے 

اک شاخ یاسمین تھی کل تک خزاں اثر 

اور آج سارا باغ اسی کی اماں میں ہے 

خوشبو کو ترک کر کے نہ لائے چمن میں رنگ 

اتنی تو سوجھ بوجھ مرے باغباں میں ہے 

لشکر کی آنکھ مال غنیمت پہ ہے لگی 

سالار فوج اور کسی امتحاں میں ہے 

ہر جاں نثار یاد دہانی میں منہمک 

نیکی کا ہر حساب دل دوستاں میں ہے 

حیرت سے دیکھتا ہے سمندر مری طرف 

کشتی میں کوئی بات ہے یا بادباں میں ہے